أعلنت الفنانة أروى جودة عن تفاصيل عقد قرانها على رجل الأعمال الفرنسي الإيطالي، والذي أقيم منذ يومين بوزارة العدل المصرية وعن سبب غياب عائلتها عن عقد القران.

ووضحت أروى سبب غياب عائلتها قائلة عبر حسابها على «فيس بوك»: “من أجل الناس اللي بتعشق الأسئلة الفرعية، زي ليه أهلها مش موجودين معاها وفين أهل العريس إحنا اتعاملنا مع جوازنا في وزارة العدل أنه إجراء قانوني وأننا مش محتاجين معانا غير الشهود وحضور أختي كان مفاجأة ليا”.

وتابعت: “وغير كدة، لأن ميعادنا كان الساعة ٨ الصبح، فصعب عليا اني اصحي والدتي بدري أو ي كدة ووالدي توفاه الله من سنة ونص”.

اختتمت: "ولكل اللي زعلوا اننا ما قلنالهمش، والله العظيم احنا معتبرين أن يوم جوازنا هيكون يوم فرحنا اللي هنحتفل معاكم بيه، وزعلكم غالي جدًا علينا.. ولولا أن تم تسريب صورنا من مكتب زواج الأجانب، كنا هنحتفظ بالمعلومة لنفسنا".