وجه إبراهيم سعيد، نجم النادي الأهلي السابق، رسائل نارية لـ محمود عبدالرازق شيكابالا، نجم نادي الزمالك، بعد غيابه عن صفوف الفريق للمباراة الثانية على التوالى بسبب إصابته بنزله برد.

وقال إبراهيم سعيد، في تصريح تليفزيوني عبر شاشة «النهار»: «جروس بلغ مجلس إدارة نادي الزمالك إنه مش هيستعين بـ شيكابالا، وأنا قولتها أكتر من مرة أنه مبقاش مفيد، أهو جروس طلب واعتقد أن كمان جوميز طلب من قبله».

وأضاف: «الكلام أنه شيكابالا بيغيب لإصابته بنزلة برد، أقولهم إن ده تاني ماتش على التوالي، واعتقد إن ده الوقت اللي شيكابالا يحترم تاريخه مع الزمالك».

وأكمل: «شيكابالا لازم يحترم كمان الجمهور المحب ليه، ويبقى عارف إن أي مدرب هيجي مش هيتقبل وجودك، وعبء على الزمالك لأن أنت غير مفيد».

وزاد: «نتمنى إن شيكابالا يفكر في مستقبله الفترة اللي جاية، هل هيبقى مدير فني ولا في الجهاز الإداري، وعضو مجلس إدارة».

وأتم: «حاجة تقيلة أوي إن المدرب يطلب إنك متبقاش موجود، وانت مفروض تحترم تاريخك وتعلن الاعتزال».