السبت 01 فبراير 2025 | 11:39 صباحاً

الإعلامي عمرو أديب

علق الإعلامي عمرو أديب، على هزيمة فريق الزمالك في الدوري المصري الممتاز موسم 2026/2025 أمام نظيره بيراميدز، بثلاثية دون رد، مساء أمس الجمعة.

وقال أديب، في تعليق خلال برنامجه «الحكاية»، المعروض على فضائية «إم بي سي مصر»، مساء الجمعة، إن هزيمة الزمالك أمام بيراميدز «غريبة، وأهداف أغرب»، مضيفًا «أنا مبقتش فاهم حكايتنا إيه؟ النادي بيقول مفيش فلوس، ولا لعيبه ولا إدارة ولا حب ولا إخلاص».

وتابع: «مش قادرين نقف قدام التنين الأحمر.. بيقولك من يومين طالبين قرض نص مليار جنيه، عايزين نعرف الأهلي بيجيب فلوس منين علشان نجيب فلوس إحنا كمان ونجيب لعيبه قادره تقف على رجليها».

وأكمل أديب: «وضعنا غريب وشيء مش لطيف مينفعش، ده الزمالك، إنما هما ماشين حلاوه نفسي اعرف بيجيبوا الفلوس منين ومفيش قواعد للصرف والفلوس، مينفعشي ده يبقى نادي الزمالك مفيش حاجة نافعة».

واستطرد: «على الجانب التاني هما يقولوا هات نص مليار اديهم نص مليار.. مين بيديهم الفلوس دي كلها طيب يا جماعة، إحنا مش قادرين نجيب 150 حتى، حاجة تضايق وتنقط بجد اللي بيحصل ده».

الأهلي يطلب قرض بقيمة نصف مليار جنيه

كان مجلس إدارة النادي الأهلي برئاسة محمود الخطيب تقدم بطلب للجهة الإدارية من أجل الحصول على قرض بنكي قيمته نصف مليار جنيه مصري.