"متقلقوش.. إحنا في أمان"، بهذه الكلمات طمأن الرئيس عبد الفتاح السيسي الشعب المصري خلال احتفالية عيد الشرطة، مؤكدًا أن تعداد مصر وصل إلى 120 مليون نسمة، بما في ذلك الضيوف المقيمين على أرضها. وأشار الرئيس إلى أهمية الانتباه واليقظة في ظل التحديات المحيطة، لافتًا إلى أن ما يُقدم من عروض من أبناء الشرطة يعكس روح التفاني والاحترافية. 

وأضاف الرئيس السيسي: "أولاد الشرطة، أولاد مصر، سواء في الجيش أو الشرطة أو أي أجهزة أخرى، جميعهم أبناء هذا الوطن"، موضحًا أن هذا التكاتف والعمل المستمر يضمن استقرار وأمن مصر رغم كل الظروف والتحديات الإقليمية والعالمية.

الاطمئنان على الوضع الأمني وتأكيد مسار مصر الثابت

وأضاف الرئيس السيسى، خلال كلمته في حفل عيد الشرطة الـ 73: "هو ده اللى حبيت أقوله في البداية دى.. أكيد الناس هتسمعنى.. اطمئنوا.. ربنا موجود مطلع على كل التصرفات.. الاطمئنان مش جاي نتيجة قدرة فقط.. هو مسار انتهجناه وقيم نمارسها.. بنمارسها مش بنرددها.. قيم كلها بفضل الله قيم تدعو إلى الشرف والاحترام والعزة والكرامة والبناء.. لا تقلقوا ولا تخافوا.. بفضل الله محدش يقدر.. محدش يقدر".

الاعتراف بالقلق المشروع والتأكيد على الاستعداد لمواجهة التحديات

وأضاف الرئيس السيسي خلال احتفالية وزارة الداخلية بالعيد الـ 73 للشرطة: "أنا كمسؤول بفضل الله مطمن .. لكن كان يمكن حصلت أحداث كتير خلال الشهور اللى فات .. والتطورات على حدودنا المختلفة يمكن تكون الناس قلقانة وده طبيعي .. وقلت قبل كده إن القلق مشروع وطبيعي إنك تبقا خايف علي بلدك".

التأكيد على وعي الشعب المصري بحماية الوطن

وأضاف الرئيس السيسي: يبقى إذا كانت دي بلدنا ودول ولادنا، يا ترى احنا نحمي ونحافظ ولا لأ، كل في مكانه، وعينا وفهمنا للأحداث اللي بتمر حواليا، ووعينا للتحديات والعدائيات مش هتنتهي يعني، دي طبيعة الدنيا، فيه حاجة اسمها مصالح وفيه حاجة اسمها مؤامرات وهيستمر طالما دي الدنيا، اللي بينتبه وواعي ومخلي باله مش بس من نفسه، بيخلي اللي حواليه واعي للأمور والمشاكل اللي عمرها ما هتنتهي، واللي يشوف كل دول الدنيا، هيجد تحدي ورا تحدي.

التأكيد على قوة مصر وأمنها

وأكمل السيسي: "أنا قصدت في كلمتي عشان يمكن فيه ساعات الشائعات بتبقى كتير، ولما تشوفوا ده تعرفوا إن الاستهداف زايد، بفضل الله وبعزه وقوته محدش هيقدر يقرب من البلد دي، اطمئنوا بفضل الله قبل أي حد تاني، ربنا موجود ومطلع على كل تصرفاتنا، الاطمئنان عندي ودي كلمة بكررها كتير لإن فيه مسار احنا واخدينه وقيم بتدعو للشرف والكرامة والعزة والبناء، متقلقوش للي قلقان ومتخافوش للي خايف، بفضل الله، محدش يقدر، مصر دولة لا يمكن لأحد أن يهددها."