سمعنا كتير عن ناس فلوسها في حساباتها بالبنوك راحت.. ياتري الموضوع ده بيحصل أزاي.. وازاي حمي فلوسي اللي في البنك من أنها تتسرق طريق الهاكر.. وازاي الهاكر بيسرق فلوس العملاء.. وهل فعلا البنوك بتسرب حسابات العملاء للناس برا.
اكيد كنت في يوم قاعد في أمان الله وجيت لك رسالة علي الموبيل من رقم تليفون عادي مكتوب فيها لقد تم إيقاف حسابك البنكي برجاء الاتصال بنا، والرسالة دي وصلت لنسبة كبيرة جدا من الشعب المصري سواء كان عنده حساب بنكي أو معندودوش، خصوصا أن النوع ده من الرسائل منتشر جدا والارقام اللي بتكون بتاعه الرسائل دي هيا ارقام موبايل عادية مش ارقام بنوك ولا حاجة.
طيب ازاي الهكر بيسرق بيانات العملاء في البنوك؟.
في الفترة الأخيرة وبسبب التغيرات الرقمية الكتيرة، انتشرت عمليات النصب الالكتروني ولو انت مش فاهم كويس اية اللي بيحصل في المنطقة دي، ممكن بسهولة جدا فلوسك تروح في خبر كان، وتخسر كل حساباتك اللي في البنوك، وده بمجر ما تتبع الخطوات اللي هيقولك عليها الهاكر.
الهكر بيعتمد في خطته للسطو علي حسابات العملاء أنواع كتيرة من وسائل التخويف أولهم أنه يقولك أنه حسابك في البنك هيقف لو انت محدستش بياناتك وفي اللحظة دي لو أنت مش فاهم، هيطلبوا منك ال رقم 16 رقم الموجودين علي كارت الفيزا وتاريخ إصدار وانتهاء صلاحية كارت الفيزا والاسم بالكامل واخر 3 أرقام موجودة على ظهر الكارت، ودي كلها معلومات بيحتاجها الهاكر للبدء في السطو على حساب العملاء من خلال الإنترنت، ولو انت عملت كده واديتهم البيانات دي بحجة أنه هيحدثوا لك البيانات، يبقي فلوسك راحت والله يعوض عليك.
تاني أنواع الهاكر واللي بقي برضوا منتشر في الفترة الاخيرة هيا الرسائل اللي ممكن توصلك علي وسائل التواصل الاجتماعي سواء فيس بوك أو واتس أو بريد الكتروني أو رسالة عادية، واللي بيكون فيها رابط غير معروف وبمجرد ما تدخل عليها برضوا هتواجه نفس المصير وللاسف برضوا حساباتك برضوا هتروح عليك.
طيب ازاي احمي نفسي من عصابات الهكر دي واحافظ علي فلوسي ؟.
تقريبا كل البنوك عملت حملات إعلامية لتنبية العملاء بالبنوك لحماية بياناتهم حساباتهم في البنوك وعلشان ميقعوش فريسة سهلة لعصابات النصب الالكتروني، والبنوك نصحت المواطنين بتوخي الحظر في الرد علي المكالمات التليفونية اللي ممكن تيجي لهم بهدف أنك تكسب فلوس من المشاركة في الالعاب واللي طبعا بيكسبك في البداية علشان يجر رجلك وتحط كل الفلوس اللي معاك كلها وبعدها فلوسك بتروح.
البنوك نصحت العملاء كمان بعدم مشاركة كلمة السر للبطاقات البنكية مع الزملاء، وكمان بلاش كلام عن تفاصيل حساباتهم البنكية قدام اي حد الا لو كان الشخص ده هو واثق فيه جدا، وكمان البعد تماما عن المكالمات التليفونية واللي الهكر بيطلب فيها تقديم معلومات شخصية بحجة تحديث بيانات الحسابات في البنوك.
إخلاء مسؤولية إن موقع جريدة الجوف يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
0 تعليق