يا ترى إيه اللي بيحصل في منجم السكري للدهب، وليه الحكومة حريصة إنها تجذب أقوى الاستثمارات للمنجم ده دلوقتي بالذات، وإيه المستهدف من الخطة دي في المستقبل، هل هيحول مصر لدول رائدة في تصدير الدهب وهنبطل نستورد.
ي الساعات الأخيرة، المهندس كريم بدوي وزير البترول والثروة المعدنية، عقد جلسة مباحثات مع ألبرتو كالديرون، الرئيس التنفيذي لشركة أنجلو جولد اشانتي، وده عشان يبحثوا إمكانية تعظيم الاستفادة من خيرات منجم السكري للدهب.
ومن هنا، أكد الوزير على استكمال الإجراءات اللازمة لاتفاقية الاستغلال واللي تم الانتهاء من التوافق عليها، عشان يتم جذب استثمارات أجنبية أكتر لمنجم السكري.
ولو ماتعرفش، فمنجم السكري بيعتبر أكبر منجم دهب مكشوف على مستوى العالم، وبينتج 5.8 مليون أوقية من بداية الإنتاج، عشان كده هو مهم جدا للاقتصاد المصري وبيدعمه بشكل مستمر، وحاليا الحكومة بتسعى لزيادة الإنتاج فيه باستخدامه تقنيات حديثة في الاستكشاف، وده بيساهم فى إطالة عمر الإنتاج من المنجم، اللي اتمكن من تحقيق إنتاج بلغ 8ر5 مليون أوقية.
كمان، منجم السكرى موجود في الصحراء الشرقية فى منطقة مرسى علم، وحاليا قطاع الثروة المعدنية بيستهدف تحقيق قصص نجاح تعدينية جديدة وزيادة الاستثمار فى صناعة التعدين فبه، وده في حد ذاته بيدعم فرص الاستثمار فيه، وبيفتح الباب أمام تحقيق اكتشافات اقتصادية واستغلال أفضل للثروات التعدينية، عشان يكون قطاع التعدين مساهم بقوة فس الناتج الإجمالى للاقتصاد الوطني.
وبالنسبة لمسار الاستثمارات في منجم السكري، فبتكون عبارة عن أنشطة استكشافية وتنموية وإنتاجية وإدارة الأعمال واعتمادها على التقنيات الحديثة ، وبتضم حوالي 35 مشروع جوه المنجم.
وكان المنجم بدأ في إنتاج الدهب سنة 2010، وكمان منطقة الامتياز اللي بتمثل 160 كيلو متر مربع حول جبل السكرى بتشهد دلوقتي نموكح حقيقي للاستثمار في قطاع التعدين، وكل ده طبعا بيحقق من عوائد على الاقتصاد المصري.
وحاليا، وزير البترول وعدت بتطوير قطاع التعدين المصري عشان يساهم في تهيئة مناخ جاذب للاستثمارات فيه، وكل ده بيجي في إطار زيادة استثماراتها في مصر وتحديدا في منجم السكري، عشان كده بحثت مع شركة "انجلو جولد" زيادة استثماراتها في المنجم خلال الفترة الجاية.
ونقدر نقول إن الاستثمارات الموجود في المنجم، بتعظم من قيمته وكمان من نسب الإنتاج، وبيحول منجم السكري لأحد أهم الوجهات العالمية في التنقيب عن الدهب عشان يحول مصر لدول رائدة في تصدير الدهب في الفترة الجاية.
إخلاء مسؤولية إن موقع جريدة الجوف يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
0 تعليق