شن محمود عبد المنعم كهربا، مهاجم الفريق الأول لكرة القدم بالنادي الأهلي، هجومًا على مدربه السويسري مارسيل كولر، بسبب طريقة تعامله معه خلال الفترة الأخيرة.
كهربا يفتح النار على كولر ويكشف كواليس نارية
وقال في تصريحات خلال برنامج «الكورة مع فايق» على «إم بي سي مصر»: «كلام كولر معايا مكنش مقنع، يعني كان بيقولي إتمرن كتير عشان تلعب على موديست، وأنا وقتها كنت أفضل بدنيا وفنيا، لذلك كلامه ما أقنعنيش».
وأضاف: «في ظل تواجد وسام أبوعلي كان متألق طبعا وبيكسب الفريق، لكن كان ممكن المدرب يديني فرصة ويلاعبني ربع ساعة، خاصة إني بحب الخير لزمايلي وكان مفروض يقدرني نفسيا أكتر، ويعاملني بطريقة أفضل زي مكان بيعمل قبل وسام أبوعلي وموديست».
وعن تصريح كولر إن كهربا في الترتيب رقم 3 بين مهاجمي الأهلي، علق: «كان صعب مفيش حد بيقول كده، لو عايز تقول حاجة زي كده قولي أنا، زي ما قولتلي قبل فرح شقيقتي إني رقم 3».
وأتم: «أبويا وأمي وأختي وأخويا مستعد أعمل أي حاجة عشانهم، ودا فرح أختي الوحيدة مستحيل أغيب عنه، وروحت كلمت كولر استأذنته وقولتله في اتنين مهاجمين غيري والفريق لن يتأثر، قالي هفكر في الموضوع لكن قالي هترجع تبقى رقم 3».
رحيل كهربا عن الأهلي
عبر «كهربا»، المعار للاتحاد الليبي، عن امتنانه وحبه الشديد للقلعة الحمراء.
وقال كهربا: «ليه مشيت من الأهلي؟ عمري ما أمشي من الأهلي وأنا لسة موجود».
وتابع: «الأهلي بيتي وكلمة مشيت من الأهلي دي تتعبني نفسيا وممكن أقعد شهور أتعافى بسببها»، مشيرا: «أنا هاخرج برا عن الأهلي لمدة 6 شهور والحياة بتلف بيا بسبب الموضوع ده».
وزاد: «الأهلي كل حياتي، ومحدش يعرف مشيت ليه من الأهلي غير اللي فيها (حاجة بيني وبين النادي)».
اعتذار كهربا
اعتذر كهربا، عن ما بدر منه خلال مباراة شباب بلوزداد الأخيرة، في بطولة دوري أبطال إفريقيا.
وكان كهربا قد رفض توجه لاعبي الأهلي لتحية الجماهير، عقب مباراة شباب بلوزداد، مما أثار غضب الجماهير في المدرجات وعلى منصات التواصل الاجتماعي.
اتشتمت بأمي كتير جدا.. حقكوا عليا
وقال كهربا في هذا الصدد: «مش عارف عملت كده إزاي في مباراة بلوزداد، وبقول لجماهير النادي الأهلي حقكوا عليا».
وأضاف: «اتشتمت بأمي كتير جدا، ومش على الفيس ولا الواتساب، دي كانت مكالمات بعد ما رقمي أتوزع، وكل المكالمات كانت شتيني في أمي فقط، وهذا الأمر تعبني نفسيا جدا».
0 تعليق