يا ترى إيه هي توقعات سعر الفايدة اللي قرب البنك المركزي يعلنها بشكل رسمي في الأيام الجاية، هل الاتجاه الرسمي دلوقتي رايح على تخفيض ولا تثبيت ولا رفع، وإيه هو أنسب وضع للاقتصاد في الفترة دي.

من دلوقتي، البنك المركزي المصري يستعد كويس جدا ليوم 20 فبراير؛ عشان هينعقد أول اجتماع له لبحث أسعار الفايدة على المعاملات المصرفية، وده طبعا بيكون من خلال لجنة السياسيات النقدية اللي بيرأسها حسن عبد الله محافظ البنك المركزي.

وفي سنة 2025، فالبنك المركزي هيعقد 8 اجتماعات دورية لبحث متوسط سعر الفايدة في البنوك، عشان يقدر يسيطر على معدلات التضخم وتكون عند نسب مستقرة، وده لأن دي إحدى المهام الرئيسية للجنة السياسيات النقدية.

طيب إيه المتوقع لسعر الفايدة في اجتماع 2 فبراير؟

بص يا سيدي، حسب جدول الاجتماعات عن السنة الجديدة، فأول اجتماع للجنة السياسات النقدية هيكون في 20 فبراير الحالي، ومتوقع فيع جدا تثبيت أسعار الفايدة، وده هيقدر البنك المركزى فرص أكبر لخفض التضخم ودعم استثمارات الأجانب فى أدوات الدين الحكومية.

وكانت لجنة السياسة النقدية بالبنك المركزى المصرى فى اجتماعها اللي فات، قررت تثبيت سعري عائد الإيداع والإقراض لليلة واحدة عند 27.25%، 28.25% على الترتيب.

والبنك بيستخدم أداة سعر الفايدة عشان يقدر يسيطر على التضخم، يعنى ارتفاع أسعار السلع والخدمات، وده بيكون من خلال خفض سعر الفايدة مع تراجع التضخم أو زيادة أسعار الفايدة مع ارتفاع معدل زيادة الأسعار.

أما الاجتماع الثاني للجنة السياسيات النقدية السنة دي 2024ؤ فمحدد له يكون في 17 أبريل،  والتالت في 22 من مايو 2025، والرابع في 10 يوليو، أما الخامس فهيكون في 28 أغسطس والسادس في 2 أكتوبر.

كمان، اللجنة بتستهدف عقد اجتماعها السابع في 20 نوفمبر الجاي بعدين تختم  باجتماعها الثامن والأخير السنة دي في 25 من ديسمبر المقبل.

ونقدر نقول، إن آخر اجتماع للجنة السياسات النقدية في سنة 2024، كان في 26 ديسمبر، وكان الاجتماع التاسع، وشهد تثبيت سعر الفايدة على متوسط المعاملات المصرفية في البنوك للمرة السابعة على التوالي، وبالفعل تم تثبيت الفايدة عند 27.25% لعائد الإيداع و28.25% الاقتراض لليلة واحدة و27.75% لكلا من العمليات الرئيسية للبنك المركزي والائتمان والخصم.

عشان كده، كل التوقعات دلوقتي رايحة على تثبيت سعر الفايدة في الاجتماع الجاي، وكمان ممكن القرار ده يكمل ل 3 اجتماعات جاية.