علق الإعلامي أحمد موسى على إلقاء القبض على الإرهابي أحمد المنصور والذي خرج منذ أيام في مقطع مصور ليحرض على الدولة المصرية.

وقال موسى خلال برنامج "على مسؤوليتي" المذاع على قناة "صدى البلد": "اتقبض على الواد الإرهابي المجرم أحمد المنصور وأنا في الحالات اللي زي دي مبخدش أخبار غير لما أنا شخصيا أبقى متأكد منها ومتكلمتش في الموضوع ولكن وأنا في الطريق عرفت أن الواد الإرهابي المجرم أحمد المنصور اتقبض عليه في سوريا".

وأضاف: "كنا إمبارح عرضنا الفيديو بتاع والده واللي بيتبرأ من ابنه الإرهابي واللي اتكلم فيه عن الدولة المصرية واللي بتقدمه ليهم وأن الدولة أنفقت مليون جنيه عشان أخو الإرهابي ياخد الماجستير من إيطاليا".

وتابع: "تم القبض عليه بالفعل والموضوع مش سر خالص ولكن تأكدوا وركزوا في الكلام أي حد في أي مكان يهدد الدولة المصرية مصيره هيبقى كده أي حد في أي مكان يهدد الشعب المصري مصيره هيبقى كده".

وواصل: "مطلوب كمان هناك الإرهابي علاء عبد الباقي وهو إرهابي مطلوب القبض عليه وتم منحه الجنسية وضمه لما يسمى الجيش السوري ومنحه رتبة عسكرية رتبة عقيد تقريبا وهو مطلوب القبض عليه أيضا لأن في الآخر أنت بتتكلم عن إرهابيين مصريين".

وأوضح: "محدش يقدر يقول رسالة لمصر والمطلوب زي ما عملت مع الإرهابي المنصور تعمل مع الإرهابي علاء عبد الباقي وأنا كمواطن مصري اللي يعنيني في سوريا الشعب السوري وأمن واستقرار سوريا".

واختتم: "يعنيني الحفاظ على مؤسسات الدولة السورية ووحدة الأراضي السورية هل حد عنده شك في ده؟ لأ هو ده موقفنا ولما يبقى أنا موقفي كده كشعب وقيادة يبقى أنت كمان تتعامل مع البلد الكبيرة اللي اسمها مصر بهذه الإجراءات".