ايه اللي بيحصل في سوق السيارات وايه حكاية الحدث الهام اللي هيحصل في الأيام الجاية ومين الوحش الياباني اللي داخل يصنع سياراته في مصر وايه تأثير دا على السوق والاسعار.
عارفين طبعا أن مصر أطلقت استراتجية في سنة 2022 الاستراتيجية الوطنية لتوطين صناعة السيارات بهدف تعميق التصنيع المحلي للسيارات وزيادة نسبة المكون المحلي في الإنتاج، وجذب الاستثمارات الأجنبية المباشرة للقطاع الحيوي ده.
واعتمدت الاستراتيجية دي على اكتر من محور أهمها تطوير الصناعات المغذية لصناعة السيارات وتشجيع الشركات المحلية على إنتاج مكونات وقطع غيار عالية الجودة وبجانب توفير حوافز وتسهيلات للمستثمرين في قطاع صناعة السيارات، بما فيها الإعفاءات الضريبية والتخفيضات الجمركية وكمان تطوير البنية التحتية اللازمة لصناعة السيارات زي الطرق والموانئ والمناطق الصناعية وتدريب وتأهيل الكوادر العاملة في قطاع صناعة السيارات من خلال مراكز تدريبية متخصصة.
ومصر نجحت بشكل كبير في تنفيذ جزء كبير من استراتيجية توطين صناعة السيارات بدليل اعلان اكتر من براند عالمي في صناعة السيارات إقامة مصانع ليها في مصر وكمان تحويلها لمركز لتصدير السيارات للأسواق القريبة..
طيب ايه الجديد في ملف توطين صناعة السيارات في مصر ؟
في الكام الساعه الأخيرة المهندس حسن الخطيب وزير الاستثمار والتجارة الخارجية زار الكويت و اجتمع مع وفد رفيع المستوى من مجموعة "الملا" الكويتية وعشان تبقي عارفين المجموعة الكويتية دي كيان اقتصادي ضخم وهي وكيل شركة ميتسوبيشي العالمية وفخر صناعة السيارات اليابانية .. المهم الوزير ناقش مع مسؤولي الملا جهود مصر لتحسين مناخ الأعمال وفرص ومقومات الاستثمار بالسوق المصري..
وحسب الوزير استعرض خطط الشركة للتوسع في استمارتها في مصر في مجال صناعة السيارات باعتبارها وكيلاً لشركة ميتسوبيشي العالمية بجانب مجالات التعليم والخدمات المالية.
وعرض الخطيب حوافز الاستثمار وخاصة صناعة السيارات في مصر بجانب استراتيجية صناعة السيارات في مصر،ط وحرص الدولة على جذب مزيد من الاستثمارات المحلية والأجنبية في مجال صناعة السيارات وبما يسهم في توطين هذه الصناعة الاستراتيجية للوفاء باحتياجات السوق المحلي والتصدير للأسواق الخارجية.
المهم بقي إن وفد مجموعة "الملا "الكويتية فجر مفاجأة في اجتماعه مع الوزير المصري وقال فيه مفاوضات حالية بين الشركة وشركة ميتسوبيشي العالمية للتصنيع في مصر وانشاء مصنع أو مجمع صناعي لتصنيع موديلات العملاق الياباني في مصر كمان على حرص المجموعة على التواجد والتوسع بالسوق المصري باعتباره أحد المقاصد الاستثمارية الرئيسية بالمنطقة.
طبعا دا خبر مفرح جدا أن شركة بحجم ميتسوبيشي اليابانية وهي شركة مش غريبة على السوق المصري تنقل مصانعها في مصر وتصنع هنا ودا هيدي قوة كبيرة في مجال توسع مصر في الصناعة دي والانطلاق بيها للعالمية دا غير إن زيادة التصنيع في السوق المصري هيزود معروض السيارات واللي هتكون نتيجته انخفاض أسعار كل انواع السيارات في السوق المصري والمواطن يقدر يشتري.
لأن السوق مش هيكون بيعتمد على الاستيراد وسعر الدولار واللي خلي الأسعار ضربت في العالي في الشهور اللبس فاتت ودا غير أن الدولة هتوفر مليارات الدولارات اللي بتدفعها كل سنة في استيراد السيارات من الخارج.
إخلاء مسؤولية إن موقع جريدة الجوف يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
0 تعليق