في الوقت اللي الحكومة مشغولة فيه بتحسين مناخ الاستثمار وتنفيذ أقوى المشروعات الاقتصادية اللي هتقدر تسند الاقتصاد في الفترة الجاية، في شركات عالمية وإقليمية قدمت طلبات للعمل في مصر بمشروعات من العيار التقيل.
وكان آخر الشركات دي، هي شركة "بودي الكويتية"، اللي أكدت اهتمامها بالاستثمار في مصر في مجال المطارات، خاصة وأنها بتمتلك "طيران الجزيرة" في مصر، عشان كده الحكومة بتدرس الملف ده كويس جدا عشان يتنفذ في أسرع وقت ممكن ويقدر يدر عوائد اقتصادية للطرفين.
ومن هنا كمان ، بيتم عمل دراسة عن قطاع المطارات في مصر بالتعاون مع مؤسسة التمويل الدولية تمهيدا لطرحها خلال الفترة الجاية، وده بجانب مشروعات تانية بتنفذها الدولة في قطاع الطيران عشان تعظم إيراداته وتزود من عدد المنقولين بجميع الخطوط في السنين الجاية.
وبالنسبة لشركة "بودي" الكويتية، فهي حاليا شغالة في 7 مطارات في مصر، وقريب جدا هيتم زيادتها ل 9 مطارات، يعني هيتم إضافة مطاري العلمين والغردقة للمنظومة عشان الشركة الكويتية تتوسع والعجلة تدور بشكل أسرع.
غير كده، فالحكومة كمان شغالة حاليًا على تنفيذ مجموعة من الإصلاحات للسياسات المالية والنقدية والتجارية والإجرائية، واللي هتسهل على المستثمرين كتير جدا، وكمان هتعزز حركة التجارة الخارجية لمصر، وكل طبعا بيساهم في الوصول بزمن الإفراج الجمركي ليومين بس.
كمان، الحكومة دلوقتي بتقلل عدد الجهات اللي بتتعامل مع المستثمر، وبتنفيذ إصلاحات ضريبية عشان تخفف الأعباء علة المستثمرين،وتقدر تخلق مناخ استثماري أكثر تنافسية وجاذبية للاستثمارات المحلية والأجنبية، ومش بس كده لأ ده كمان هتحسن بيئة الأعمال وتبسط الإجراءات وتذلل العقبات اللي ممكن تواجه أي مستثمر.
عاشت كده، أكدت الشركة الكويتية حرصها على الاستثمار والتوسع في السوق المصري في قطاع تطوير المطارات، وكمان تدرس إمكانية لإنشاء مشروع للنقل الجماعي في مصر، زي مشروعات الشركة للنقل الجماعي في الكويت والإمارات والسعودية وغيرها من الدول، وده كله بفضل التسهيلات اللي قدمتها الحكومة للمستثمرين.
كل ده بالتأكيد بيساهم في رفع كفاءة المطارات المصرية وتعزيز الخدمات اللي بتقدمها زي طيران أمريكا وأوروبا ودبي، وكمان من أهم المكاسب الاقتصادية إن بتحصل شراكة كويتية- مصرية، هتدخل فلوس بالمليارات للخزينة المصرية، واللي هتساهم بشكل كبير في حل أي أزمة خاصة بالعملة في الفترة الجاية.
ومتوقع للمشروع ده، إنه يحقق نجاح كبير جدا خاصة وأن الحكومة المصرية دلوقتي بتدعم اي استثمار سواء محلي أو أجنبي، وممكن جدا يكون بوابة لتعزيز وزيادة الاستثمارات الكويتية في مصر في كل المجالات قريب جدا.
إخلاء مسؤولية إن موقع جريدة الجوف يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
0 تعليق